ब्रेकिंग

दत्ता गाडेने वर्षभरात पाहिल्या २२ हजार अश्लील चित्रफिती

Wrutuja pandharpure
11 May 2025

सायबर तज्ज्ञांच्या तपासणी उघड

पुणे : स्वारगेट अत्याचार प्रकरणातील आरोपी दत्ता गाडेने गेल्या वर्षभरात २२ हजार वेळा अश्लील चित्रफित पाहिल्याचे तपासात उघड झाले आहे. त्याच्या गुगल सर्च हिस्ट्रीची सायबर तज्ज्ञांमार्फत नुकतीच तपासणी करण्यात आली. त्यात हा प्रकार समोर आला आहे.

दत्ता गाडेने एका तरूणीवर दोन वेळा अत्याचार केल्याची घटना २५ फेबु्रवारी रोजी पहाटे साडेपाच वाजताच्या सुमारास घडली होती. या प्रकरणी स्वारगेट पोलिस ठाण्यात गुन्हा दाखल असून त्याच्याविरोधात ८९३ पानांचे आरोपपत्र देखील न्यायालयात दाखल करण्यात आले आहे.त्यानंतर आरोपी गाडेने जामिनासाठी न्यायालयात अर्ज केला आहे. मात्र, या अर्जाला पोलिसांनी विरोध केला असून त्याची कारणमीमांसा करणारा अर्ज न्यायालयात सादर केला. संबंधित घटनेनंतर सामाजिक, राजकीय स्तरातून मोठया प्रमाणात निषेध नोंदविण्यात आला होता. या प्रकरणाची राज्यभर चर्चा झाली होती. घटनेचे गांभीर्य ओळखून पोलिस आयुक्त अमितेश कुमार यांनी संबंधित प्रकरणाचा तपास गुन्हे शाखेकडे वर्ग केला होता.